Press-relizlar

TIHE 2026 – Tibbiyotdagi 30 yillik ishonch va innovatsiyalar

O'zbekiston tibbiyot sohasidagi muhim professional tadbir bo'lgan va davlat idoralari, yetakchi ishlab chiqaruvchilar, tibbiyot mutaxassislari va xalqaro ekspertlarni birlashtirgan 30-yubiley Toshkent xalqaro "Tibbiyot ko'rgazmasi – TIHE 2026" 28–30 aprel kunlari CAEx Uzbekistan ko'rgazma majmuasida bo'lib o'tadi.

Tadbir tashkilotchilari: Iteca Exhibitions xalqaro ko'rgazmalar kompaniyasi va uning hamkori ICA Eurasia Group.

TIHE — Toshkent xalqaro tibbiyot ko'rgazmasi 1995-yilda — O'zbekiston mustaqilligining dastlabki paytida, milliy sog'liqni saqlash tizimi shakllanishi va asosiy rivojlanish ustuvorliklari aniqlangan davrda ilk bor o'tkazildi. Bu davrda sog'liqni saqlash davlat siyosatining strategik muhim sohalaridan biriga aylandi va ushbu soha tibbiy infratuzilmani modernizatsiya qilish, muassasalarning texnik bazasini yangilash va zamonaviy diagnostika va davolash texnologiyalarini joriy etishga qaratilgan keng ko'lamli o'zgarishlar bosqichiga kirdi.

Aynan shu sharoitda TIHE mamlakatdagi ushbu o'zgarishlarni aks ettiruvchi va uning keyingi rivojlanishini qo'llab-quvvatlovchi birinchi xalqaro platformalardan biriga aylandi. Ko'rgazma o'zining dastlabki yillaridan boshlab professional hamjamiyatda mustahkam o'rin egallab, davlat idoralari, tibbiyot hamjamiyati va xalqaro kompaniyalar o'rtasidagi o'zaro aloqalar uchun platformaga aylandi. Bu yerda tibbiyotni rivojlantirishning asosiy yo'nalishlari muhokama qilindi, zamonaviy texnologiyalar va uskunalar taqdim etildi, shuningdek, soha mutaxassislari va ishlab chiqaruvchilarni birlashtirgan professional muhit shakllantirildi.

Tashkil etilganidan beri TIHE 55 mamlakatdan 4 000 dan ortiq kompaniya va brendlarni jalb qildi, tadbirga 183 094 nafar mutaxassis tashrif buyurdi.

Butun tarixi davomida TIHE dunyoning yetakchi tibbiy uskunalar va texnologiyalar ishlab chiqaruvchilari tanlagan platforma bo'lib kelgan. Doimiy ishtirokchilar orasida Siemens Healthineers, Philips, BTL, Chison, Mindray, Sonoscape, Snibe, Hope Medical, Linet, Esaote, Padana Cleanroom, Pulsonics, Lauma Medical va boshqa xalqaro soha yetakchilari bor.

Bugungi kunda TIHE sohadagi muloqotni rivojlantiradigan, innovatsiyalarni joriy etadigan va O'zbekiston sog'liqni saqlash tizimining rivojlanishini aks ettiruvchi xalqaro professional platformadir. Mamlakatda tibbiy infratuzilmasini modernizatsiya qilish va malakali kadrlar tayyorlashga qaratilgan keng ko'lamli islohotlar amalga oshirilmoqda. O'zbekiston Respublikasi Prezidenti Sh.M. Mirziyoyevning farmon va qarorlari sohaning barcha asosiy yo'nalishlarini, jumladan, qonunchilikni takomillashtirish va uni xalqaro standartlarga moslashtirishni qamrab oladi.

TIHE 2026 ko'rgazmasida 20 ta mamlakatdan 300 dan ortiq kompaniya va brendlar ishtirok etmoqda: AQSh, BAA, Belarus Respublikasi, Chexiya, Germaniya, Hindiston, Italiya, Koreya Respublikasi, Latviya, Niderlandiya, Ozarbayjon, Pokiston, Polsha, Qirg'iziston, Qozog'iston, Rossiya, Turkiya, Ukraina, Xitoy va O'zbekiston.

Kumush homiy — bolalar ovqatlari ishlab chiqaruvchisi Chernogolovka kompaniyasi, GIPOPO brendi ostida.

Bu yil Germaniya, Hindiston, Xitoy, Latviyaning milliy pavilyonlari namoyish etilmoqda, ularning ishtirokchilari o'z mamlakatlarining tibbiyot sanoati yutuqlarini taqdim etadilar. Belarus Respublikasi, Rossiya Federatsiyasi (Moskva viloyati, Sankt-Peterburg va Tatariston Respublikasi) kompaniyalarining jamoaviy ishtiroki kutilmoqda.

Bu yil ko'rgazmada 13 mamlakatdan 85 ta debyutant kompaniya ishtirok etadi, bu ko'rgazma ishtirokchilarining 35 foizini tashkil etadi. Bu mintaqaviy bozorga qiziqishning barqaror o'sib borayotgani va xalqaro hamkorlikning kengayib borayotganidan dalolat beradi.

Ekspozitsiya tibbiyot sohasining keng ko'lamli yo'nalishlarini qamrab oladi, jumladan, diagnostika, laboratoriyalar, shifoxonalar, jarrohlik, oftalmologiya, fizioterapiya, intensiv terapiya, sterilizatsiya va infeksiyani nazorat qilish uchun uskunalar va yechimlar hamda sarf materiallar.

Bu yil estetik tibbiyotning jadal rivojlanayotgan sohasiga alohida e'tibor qaratildi. Zamonaviy kosmetik va dermatologik muolajalarga talabning ortishi innovatsion texnologiyalar va uskunalarni joriy etishni rag'batlantirmoqda. Ko'rgazmada go'zallik va sog'liq sohalaridagi global tendentsiyalarni aks ettiruvchi estetik xizmatlarning xavfsizligi, samaradorligi va ulardan foydalanish imkoniyatini oshirishga qaratilgan yechimlar taqdim etiladi.

Ekspozitsiya bilan bir qatorda, TIHE 2026 ko'rgazmasi doirasida 28–30 aprel kunlari keng qamrovli biznes dasturi o'tkaziladi. Unda ilmiy va amaliy seminarlar, tematik sessiyalar, taqdimotlar va yetakchi xalqaro va mahalliy mutaxassislar ishtirokidagi professional munozaralar bo'lib o'tadi. Tibbiyotni raqamli transformatsiya qilish va sog'liqni saqlash tizimida zamonaviy texnologiyalarni amaliy joriy etish masalalariga asosiy e'tibor qaratiladi.

Biznes dasturi homiysi — Chernogolovka kompaniyasi, GIPOPO brendi — bolalar ovqati bo'yicha sessiyalar har kuni o'tkaziladi.

Farmatsevtika bloki e-farmatsevtikani rivojlantirish va dorixonalar bozorini transformatsiyasiga bag'ishlanadi. Ishtirokchilar orasida — Uzum (e-farm istiqbollari), FOM GROUP (farmatsevtika bozoridagi o'zgarishlar) va dori vositalari ta'minotining mavjudligi va tuzilishini tahlil qiluvchi soha mutaxassislari.

Raqamlashtirish kun tartibiga sun'iy intellekt va tibbiy axborot tizimlarini joriy etish kiradi. Doctorium klinik amaliyotda sun'iy intellektning qo'llanilishini taqdim etadi, Caretech esa klinik raqamlashtirish va jarayonlarni avtomatlashtirish keyslarini namoyish etadi.

Reabilitatsiya va klinik tibbiyot «Физиотехника» MChJ (balneologiya va gidroterapiya) yechimlari, shuningdek, oftalmologiya, nevrologiya va restorativ tibbiyot texnologiyalari tomonidan taqdim etiladi. «АЛИФАКС» MChJ mikrobiologiya va laboratoriya diagnostikasini avtomatlashtirishning zamonaviy yondashuvlarini taqdim etadi.

Alohida bo'limda magnit terapiya va reabilitatsiyadan tortib, psixosomatika va integrativ tibbiyotgacha bo'lgan fanlararo yondashuvlar yoritiladi. Spikerlar orasida — Еламед va MEDION Academy.

TIHE sog'liqni saqlash sohasida innovatsiyalarni namoyish etish, bilim almashish va xalqaro hamkorlikni rivojlantirish uchun asosiy platforma sifatidagi rolini mustahkamlashda davom etmoqda. Tashkilotchilar bu yilgi ko'rgazma ishtirokchilarga yangi professional aloqalar o'rnatish, ilg'or texnologik yechimlarni taqdim etish va sohani yanada rivojlantirishga hissa qo'shish imkonini berishiga ishonchi komildir.

Ko'rgazma quyidagi tashkilotlar tomonidan rasmiy qo'llab-quvvatlandi:

Kumush homiy:

Hamkorlar:

Rasmiy transport va logistika hamkori:

Texnik hamkor:

IT-hamkor:

Bosh informatsion hamkor:

Media ko'mak:

×

 

×

 

×

 

×

 

×

 

×

 

×

 

×

 

×