Press-relizlar
Tibbiyot va go‘zallik eng yirik TIHE 2025 ko‘rgazmasining diqqat markazida
“Sog‘liqni saqlash – TIHE 2025” 29-Toshkent xalqaro ko‘rgazmasi 2025-yilning 15–17-aprel kunlari yangi manzil – CAEx Uzbekistan xalqaro ko‘rgazmalar markazida bo‘lib o‘tadi.
Tadbir tashkilotchilari: Iteca Exhibitions xalqaro ko‘rgazma kompaniyasi va uning hamkori ICA Eurasia Group.
“Go‘zallik va salomatlik sinergiyasi” shiori ostida “Sog‘liqni saqlash – TIHE 2025” ko‘rgazmasi bilan bir qatorda estetik tibbiyot, anti-age parvarishi va go‘zallik sanoatiga bag‘ishlangan “Beauty Uzbekistan 2025” ko‘rgazmasi birinchi marta o‘tkaziladi.
Aholining salomatligi har qanday davlatning barqaror rivojlanishining asosiy omillaridan biridir. Shundan kelib chiqib, O‘zbekistonda ijtimoiy sohaning boshqa yo‘nalishlari qatori sog‘liqni saqlash tizimini — ham uning davlat bo‘g‘ini, ham xususiy tibbiyot sektorini rivojlantirish va takomillashtirishga davlat tomonidan ustuvor ahamiyat qaratilmoqda. Tibbiyot muassasalarini zamonaviy asbob-uskunalar bilan jihozlash, malakali kadrlar tayyorlash buni targ‘ib etishning samarali yo‘llaridandir.
1995-yilda tashkil etilgan Mustaqil O‘zbekistonning birinchi xalqaro tibbiyot ko‘rgazmasi oradan o'ttiz yil o‘tib, mamlakatimizda sog‘liqni saqlash tizimini takomillashtirish, amaliyotchi shifokor va tibbiyot xodimlarining malakasini oshirish uchun zarur bo‘lgan eng talabga sazovor ko‘rgazma sifatida shuhrat qozondi. TIHEning muhim o‘rni O‘zbekistonda Jahon ko‘rgazma sanoati assotsiatsiyasi (UFI) tomonidan tasdiqlangan tadbir maqomiga ega bo‘lgan yagona tibbiy ko‘rgazma ekanligi bilan ham e’tirof etiladi. Bugungi kunda ko‘rgazma eng yangi tibbiy asbob-uskunalarni namoyish etib, ilmiy-amaliy seminar va taqdimotlar o‘tkazib, mamlakatimiz tibbiyotining kelajagini belgilab bermoqda.
“TIHE” va “Beauty Uzbekistan 2025” ko‘rgazmalarining birlashgan ekspozitsiyasida quyidagi 23 davlatdan 400 dan ortiq kompaniya va brendlar ishtirok etadi: AQSH, BAA, Belarus Respublikasi, Buyuk Britaniya, Germaniya, Indoneziya, Ispaniya, Italiya, Koreya Respublikasi, Latviya, Ozarbayjon, Pokiston, Polsha, Rossiya, Singapur, Turkiya, Ukraina, Xitoy, Chexiya, Yaponiya, O‘zbekiston, Qozog‘iston, Hindiston.
Top-5 xorijiy ishtirokchi davlatlarni Xitoy, Koreya Respublikasi, Turkiya, Germaniya va Polsha tashkil etdi.
Sog‘liqni saqlash sohasi mutaxassislari ko‘rgazmada quyidagilarni topishlari mumkin bo‘ladi: Diagnostika uskunalari (rentgen, ultratovush tekshiruvi (UTT, MRI, KT), Laboratoriya uskunalari (qon analizatorlari, mikroskoplar, sentrifugalar), Jarrohlik uskunalari (elektrojarrohlik asboblari, endoskoplar, operatsiya stollari), Terapevtik uskunalar (fizioterapiya apparatlari, lazerlar), Hayotni qo‘llab-quvvatlash uskunalari (o‘pka sun’iy ventilyatsiya apparatlari, narkoza apparatlari, bemorlar monitorlari), Reabilitatsiya uskunalari (ortopedik trenajorlar, ekzoskeletlar) va boshqalar.
Mahalliy farmatsevtika sanoatini rivojlantirishga bag‘ishlangan “PharmExpo Central Asia 2025” ixtisoslashtirilgan ko‘rgazmasi TIHEning tarkibiy qismi hisoblanadi.
Ishtirokchilar eng yangi texnologiyalar va uskunalar, farmatsevtika ishlab chiqarish uchun xomashyo va komponentlar, shuningdek, tayyor dori vositalarini namoyish etadi. Mahalliy farmatsevtika korxonalari sanoatning so‘nggi tendensiyalari, tayyor farmatsevtika mahsulotlarini ishlab chiqarish uchun ingredientlar bilan yaqindan tanishish, dori vositalari ishlab chiqarishni mahalliylashtirish bo‘yicha xorijiy kontragentlar bilan aloqa o‘rnatish imkoniyatiga ega bo‘ladi. Ushbu imkoniyatlar O‘zbekiston farmatsevtika sanoatini qo‘llab-quvvatlash va rivojlantirish bo‘yicha davlat siyosatini aks ettiradi va quyidagilarni o‘z ichiga oladi: Ishlab chiqarish uskunalari (tabletka presslari, kapsulyatorlar, mikserlar), Laboratoriya uskunalari (analizatorlar, xromatograflar, reaktorlar), Qadoqlash uskunalari (blister mashinalar, flakonatorlar), Toza xonalar.
“Stomatologiya – Stomatology Uzbekistan 2025” ixtisoslashtirilgan bo‘limi mutaxassislarga stomatologiya amaliyoti uchun zamonaviy yechimlar – asbob-uskunalar, dori-darmonlar va boshqalarni taklif etadi: Diagnostika uskunalari (rentgen, 3D skanerlar), Davolash va jarrohlik (stomatologiya uskunalari, lazerlar, mikroskoplar), Ortopediya va protezlash (frezer dastgohlari, 3D printerlar), Sterilizatsiya va dezinfeksiya (avtoklavlar, ultratovushli yuvish vositalari).
Xitoy milliy ekspozitsiyasida bu yil 116 kompaniya keng assortimentdagi farmatsevtika uskunalari va tibbiy mahsulotlarni namoyish etadi.
An’anaga ko‘ra, KOTRA agentligi o‘z homiyligida TIHE maydonida Koreya Respublikasining milliy stendini namoyish etadi. Bu yil 16 kompaniya anti-age va umumiy tibbiyot sohasida yechimlarni namoyish etadi.
12 ta kompaniyadan iborat Germaniya milliy pavilyonida yana bir bor Germaniyaning yetakchi ishlab chiqaruvchilarining yuqori texnologiyali mahsulotlari taqdim etiladi; mutaxassislar mashhur Germaniya sifatini baholashlari va yetkazib berish bo‘yicha to‘g‘ridan-to‘g‘ri muzokaralar olib borishlari mumkin.
8 firmadan iborat Turkiya milliy pavilyonida farmatsevtika va kosmetika mahsulotlari namoyish etiladi.
Xorijiy kompaniyalar ulushi 76 foizni tashkil etdi.
Mahalliy kompaniyalarning ishtiroki ulushi yil sayin ortib bormoqda va joriy yilda 24 foizni tashkil etmoqda. Doimiy ishtirokchilar orasida: ALBATROS HEALTHCARE – laboratoriya asbob-uskunalarini yetkazib beruvchi, BTL Medical Technologies – fizioterapiya va reabilitatsiya uskunalari, CHIRANA ASIA – o‘pkani sun’iy ventilyatsiya qiluvchi dori vositalari va tibbiy asboblarni loyihalash, ishlab chiqarish, yig‘ish va sinovdan o‘tkazish, ELASTIKUM – to‘qimachilik tibbiy mahsulotlarni ishlab chiqaruvchi, ENDO-SYSTEM – endoskopik uskunalarni yetkazib beruvchi, INSEP – laboratoriya uskunalarini yetkazib beruvchi, INTERMED INNOVATION TRADE – UTT uskunalarini yetkazib beruvchi. Xorijiy kompaniyalar orasida quyidagilar doimiy ravishda ishtirok etadi: BARUN IMPEX CO.LTD (Koreya Respublikasi) – LOR-kombaynlarini ishlab chiqaruvchi, LEKHIM (Ukraina) – dori vositalari ishlab chiqaruvchi, MEDIKRAFT (Rossiya) – gellar, elektrod suyuqliklari, UTT uchun pastalar (Akugel), MEDPLANT (Rossiya) – shoshilinch yordam uchun tibbiy asboblar ishlab chiqaruvchilari, MZ LIBEREC A.S. (Chexiya) – tibbiy gazlar ishlab chiqaruvchisi, BRAINLAB AG (Germaniya) – jarrohlik va radiatsiya terapiyasi uchun innovatsion yechimlar ishlab chiqaruvchisi.
Debyut ishtirokchilari orasida O‘zbekiston kompaniyalari ham bor – INTERBIOMAX PHARMACEUTICAL ENGINEERING – dori vositalarini ishlab chiqarish va qadoqlash uskunalari, tozalash va sterilizatsiya tizimlari, U-ROBOTICS – tibbiy simulyatsiya uskunalari, VITA NOVA DIAGNOSTIC – glyukometrlar va ARIA GLC test-chiziqchalari ishlab chiqaruvchisi, MY SMILE – stomatologiya uskunalari va sarf materiallari. Birinchi marta ishtirok etayotgan kompaniyalar: ECI PACKAGING, LTD (AQSH) – farmatsevtika sanoati uchun qadoqlash va texnologik uskunalar yetkazib beruvchi, FMV HOLDINGS PTE LTD (Singapur) – MRT apparatlari, I MAS MED S COOP (Ispaniya) – gialuron kislotasining bo‘g‘inga yuboriladigan inyektsiyalari, gialuron kislotasi asosida to‘ldirgichlar, LONGEST (Qozog‘iston) – UVT apparatlari, CA-MI SRL (Italiya) – tibbiy mahsulotlar, MOSKVA ENDOKRIN ZAVODI (Rossiya) – dori vositalari ishlab chiqaruvchisi, TOCURA ILAS SANAYI VE TICARET ANONIM SIRKETI (Turkiya) – farmatsevtika mahsulotlari, LOWENSTEIN MEDICALT – tibbiy uskunalar, LINET SPOL. S R.O. (Chexiya) – tibbiy krovatlar.
Ko‘rgazmada ilg‘or 3D dental rentgen apparati, tibbiy krovatlar, zambil va kreslolar, ultratovush diagnostikasi, “aqlli” parvarishlash matraslari, shuningdek, keksa yoshdagilar parvarishi uchun turli aksessuarlar va mebellar kabi yangi mahsulotlarni ko‘rish va sinovdan o‘tkazish imkoniyatiga ega bo‘lasiz.
Mutaxassislar diqqatiga: ilg‘or ishlab chiqarish texnologiyalaridan foydalangan holda yuqori sifatli yaralarni parvarish qilish mahsulotlari, gistologiya, umurtqa pog‘onasi va bo‘g‘imlar jarrohligi sohasidagi eng so‘nggi yechimlar, biomekanik innovatsiyalar, biosensor texnologiyalari, yetkazib berish tizimlari, aspiratsiya, diagnostika, stomatologik parvarish va gigiyena vositalari taqdim etiladi.
Amaliyot mutaxassislari uchun 15 va 16 aprel kunlari biznes dasturida “Sog‘liqni saqlashdagi zamonaviy texnologiyalar” ilmiy-amaliy seminarlar turkumi va “Estetik va anti age tibbiyoti” fokus-sessiyasi o‘tkaziladi.
Yetakchi ekspertlar innovatsion texnologiyalar va usullar bilan ishlash bo‘yicha o‘z mahoratlarini taqdim etadilar.
Sog‘liqni saqlash va go‘zallik sanoatida yilning eng yirik tadbiri tibbiy asbob-uskunalar va dori vositalarini ishlab chiqaruvchilar va yetkazib beruvchilar, tibbiyot loyihalarini ishlab chiqishdan manfaatdor bo‘lgan investorlar, riteylerlar, distribyutorlar, ulgurji savdo kompaniyalari, sog‘liqni saqlash sohasi mutaxassislari, klinikalar, dorixonalar tarmog‘i egalari, go‘zallik salonlari, xususiy mutaxassislar uchun muhim ahamiyatga ega.
Rasmiy ko‘mak:
- O‘zbekiston Respublikasi Oliy Majlisi Qonunchilik palatasining Tadbirkorlik, raqobatni rivojlantirish va sanoat masalalari qo‘mitasi
- O‘zbekiston Respublikasi Sog‘liqni saqlash vazirligi
- O‘zbekiston Respublikasi Investitsiyalar, sanoat va savdo vazirligi
- O‘zbekiston Respublikasi Savdo-sanoat palatasi
- O‘zbekiston Respublikasi Farmatsevtika sanoatini rivojlantirish agentligi
- Tibbiyot xodimlarining kasbiy malakasini rivojlantirish markazi
- O‘zbekiston stomatologlari uyushmasi
- Xorijiy farmatsevtika kompaniyalari va ishlab chiqaruvchilarning O‘zbekiston Respublikasidagi vakolatxonalari uyushmasi
Bosh axborot hamkori:
Hamkor:
Rasmiy transport va logistika hamkori:
Texnik hamkor:
Internet hamkori:
Қўшимча маълумот учун Iteca Exhibitions матбуот хизматига мурожаат қилинг.
Тел: + (998 71) 205 18 18
E-mail: pr@iteca.uz; www.iteca.uz
PARTNERS
